საინვესტიციო ფონდების ბაზარი საქართველოში აქტიურად ვითარდება, სადაც კერძო საკრედიტო და ფიქსირებული შემოსავლიანობის სტრატეგიები მნიშვნელოვანი მიმართულებები გახდა გლობალურ ტენდენციების შესაბამისად. ამ პროცესში მნიშვნელოვანი როლი აქვს თიბისი აქტივების მართვას, რომლის საკრედიტო ფონდებიც ინვესტორებს სთავაზობს დივერსიფიცირებულ და რისკთან შედარებით მაღალ ამონაგებს, გამოცდილ საკრედიტო სტანდარტებსა და ბაზრის სიღრმისეულ ადგილობრივ ცოდნაზე დაყრდნობით. საერთაშორისო ინვესტორების მზარდი ჩართულობა და მეორად ბაზარზე მაღალი აქტივობაც ნათლად აჩვენებს, რომ კარგად სტრუქტურირებული ალტერნატიული საინვესტიციო პროდუქტები სულ უფრო მეტი ნდობით სარგებლობს.

საქართველოში საინვესტიციო ფონდების მიმართ ინტერესი იზრდება – ფონდებს, როგორც თანხის დაბანდების ალტერანტიულ წყაროს, სულ უფრო მეტი ინვესტორი ირჩევს. სექტორის ზრდას მნიშვნელოვნად განაპირობებს ბაზრის უმსხვილესი მონაწილე – თიბისი აქტივების მართვა, რომელიც ოთხი წელია ბაზარზე წარმატებით ოპერირებს და სამ საკრედიტო ფონდს მართავს. კომპანიის ჯამურმა აქტივებმა უკვე 100 მილიონ აშშ დოლარს გადააჭარბა, ივნისის ბოლოს კი ეს მაჩვენებელი 60 მილიონ აშშ დოლარამდე იყო. მოკლე ვადაში დაფიქსირებული მკვეთრი ზრდა, ნათლად აჩვენებს, რომ სექტორი დინამიკურად ვითარდება. საინვესტიციო ტენდენციებსა და კომპანიის სამომავლო გეგმებზე თიბისი აქტივების მართვის დირექტორი ანა კვარაცხელია საუბრობს.